Ku wa 16 Gicurasi 2026, abayobozi, abakozi n’abakirisitu ba AEBR basuye Urwibutso rwa Jenoside rwa Murambi mu rwego rwo kunamira no kwibuka ku nshuro 32 abazize Jenoside yakorewe Abatutsi mu 1994.

Uru rugendo rwabaye umwanya wo gushimangira gahunda ya Ndi Umunyarwanda no gukomeza kurwanya ingengabitekerezo ya Jenoside.

Gusobanukirwa amateka

Abitabiriye basobanuriwe amateka yaranze Jenoside yakorewe Abatutsi, basura ibice bitandukanye by’urwibutso ndetse banunamira inzirakarengane zihashyinguye.

Ubutumwa ku rubyiruko

Urubyiruko rwa AEBR rwagaragaje ko rufite inshingano zo guhangana n’abagoreka amateka no kurwanya ingengabitekerezo ya Jenoside yakorewe abatutsi mu 1994.

“Nk’ikiragano gishya kiri kuzamuka, tugomba gusobanukirwa amateka no kugira uruhare mu kubaka igihugu kirangwa n’ubumwe.”

Ubutumwa bwa AEBR

Bishop Ndayambaje Elisaphane yavuze ko gusura inzibutso za Jenoside yakorewe abatutsi mu 1994 bifasha abakiri bato gusobanukirwa amateka igihugu cyanyuzemo.

“Iyo dusuye urwibutso nk’aha, ukuri kurigaragaza kandi biduha umukoro wo guharanira ko Jenoside itazongera kubaho.”

Kwimakaza Ubumwe

Umuyobozi w’Akarere ka Nyamagabe yashimiye uruhare rw’amatorero arimo AEBR mu kubaka igihugu no kwimakaza ubumwe bw’Abanyarwanda.